பாக்கியராஜா மோகனதாஸ்

தினக்குரல் ---23.12.2018----நேர்காணல் 

பாக்கியராஜா மோகனதாஸ் 

பாவேந்தல் பாலமுனை பாறூக்

பாவேந்தல் பாலமுனை பாறூக்

தீரனின் நேர்காணல் அருமை.அதிகம் அலட்டிக்கொள்ளாத எளிமையான போக்குடைய சிறந்த நாவலாசிரியர்.படைப்பிலக்கியங்களுக்கு பரிசுகள் பல வென்ற கவிஞர்.
பட்டங்கள் விருதுகள் விழாக்கள் என்று ஆள்பிடித்து அலைபவரல்ல அவர்.
இறப்புக்குப் பின்னரான எழுத்தாளனின் விருதுகள் பரிசுகள் பற்றிய அவரின் கருத்து யதார்த்த்தமானது.

எஸ். நளீம்

Samsudeen Naleem is with R.M. Nowsaath.
14 hrs ·

தீரன் என்கிற ஆர்.எம். என்,
கவிதை, சிறுகதை, நாவல் எதுவானாலும் இவர் எழுதினால் ஒரு அலாதிதான்.

முகமத் சப்ரி

Mohamed Sabry 

அற்புதமான கதைசொல்லி.. அவரது நாவல்களான "நட்டுமை" யில் ஏழு புத்தகமும், "கொல்வதெழுதுதல் 90" ல் பத்து புத்தகங்களும், "வெள்ளிவிரல்" சிறுகதைத் தொகுதியில் பதினைந்து புத்தகங்களுமாக என் சார்ந்த நண்பர்களுக்கு பகிர்ந்துள்ளேன். மிகவும் அற்புதமான கதைசொல்லி தீரன் ஆர்.எம்.நெளஷாத். வாழ்த்துக்கள்

ஏஎம் சாஜித்

ஏஎம் சாஜித்

சுந்தர ராமசாமியையும், ஜெய காந்தனையும்,ஜெயமோகனையும், எஸ்.ராமகிருஷ்ணனையும்,
சாருநிவேதிதாவையும், ரமேஷ் பிரேம்,எம்.ஜி.சுரேஷ், தமிழவன், குட்டி ரேவதி,
சுகிர்தராணி பேராசிரியர் அ. மார்க்ஸ்போன்ற பெரும் தமிழகப் பட்டியலினை ஈழத்து
படைப்பாளிகள் மெச்சுவது போன்று.. (அதில்தவறில்லை இருப்பினும்)

ஈழத்தில் இயங்கிய, இயங்குகின்ற டானியல்,நந்தினி சேவியர், அ.ஸ. அப்துஸ் ஸமது,
டொமினிக் ஜீவா, எஸ்போஸ், செங்கைஆழியான், தீரன்.ஆர்.எம். நௌஷாத், விமல்
குழந்தைவேல், கருணாகரன், அனார், மதுசூதனன்பேராசிரியர் சே.யோகராசா போன்ற பெரும்
பட்டியலினை யாரும் மெச்சுவதில்லை... காரணம்?

பரீட் சன்-வபா பாறூக்

பரீட் சன்

என் இனிய நன்பர் தீரன். ஆர்.எம் நௌஷாத் அவர்களின் காலச்சுவடு 'சுந்தர ராமசாமி-75' இலக்கியப் போட்டியில் முதல் பரிசு பெற்ற "நட்டுமை" நாவலின் அச்சுப்பிரதியுடன் அவரின் சிறுகதை தொகுதியான

"வெள்ளி விரல்" பிரதியொன்றையும் அன்பளிப்புச் செய்தார்.....பெருமிதம் கொள்கிறேன் இவனை பால்ய நன்பனாய் பெற்றதற்கு

மருதூர் அன்ஸார்

Ahamed Lebbe Anzar

தீரன் எழுத்தின் வீரன் ஆனால் சில மூத்தவர்கள் அவர்களுக்கு தெரிந்தவர்களை மட்டும் தூக்கிப் பிடிக்கிறார்கள் இந்த வேளையில் தீரனின் எழுத்தை நினைவூட்டுவது வாசிப்பதில் தீராத பசியை பலருக்கு ஏற்படுத்தும் தீரனின் எழுத்தை தெவிட்டாமல் வாசிப்போம்

பீர்முகம்மத் சேர்

Peer Mohamed 

ஒரு சிலரை மட்டுமே தூக்கிப் பிடிக்கும் பல்கலை லட்டு வாதம் கைலாசத்தம்பிகளின் காலத்தில் தொடக்கி வைக்கப்பட்டது.
இதனை அப்போது எம்.ஏ.நுஃமான் போன்றவர்கள் எதிர்த்தார்கள். நுஃமான் போன்றவர்கள் பிற்காலத்தில் அரியாசனத்திற்கு வந்தபோது அவர்களும் ஒரு சிலரை மட்டும் தூக்கிப்பிடித்து குஞ்சம் கட்டி மகிழ்ந்தார்கள்
தற்போதுள்ள கிழக்கிலங்கை பேராசிரியர்கள் சிலரும்கூட அதே பாணியில் 'சாப்பாட்டுக்குப் பிறகு மூன்று தியாலம்' ஒரு சிலருக்கு எவ்வாறு தீந்தை பூசலாம் என்றே சிந்திக்கின்றதாகத் தெரிகின்றது.

இந்த நெருக்குவாரந்தான் தீரன் நெளசாத்தின் எழுத்து மேற்கிளம்பலை பலி எடுக்கின்றது. ஏதோ சாட்டுக்கு தீரன் நெளசாத் என்று தொடங்கி முடித்து விடுவார்கள்.

"நான் வாசித்ததில் எனக்குப் பிடித்த பத்து நாவல்களில் ஆர்.எம். நெளசாத்தின் நட்டுமை நாவலும் ஒன்று " எனச் சொல்லும் தைரியம் ஷோபா சக்திக்கு இருக்குமானால் நமது பேராசிரியர்களுக்கு அது இல்லாமல் போனது ஏன் ?

எஸ்.பொன்னுத்துரை இறுதியில் வெற்றி பெற்றதைப்போல் தீரன் நெளசாத்தின் எழுத்து வல்லமையும் அதன் இலக்கை அடையும்.
பரீட்சனுக்கு என் பாராட்டுக்கள்.
2 Manage

ரோஷான் ஏ.ஜிப்ரி

ரோஷான் ஏ.ஜிப்ரி

ஆர்.எம்.நௌஸ௱த்( தீரன் சேர்)
அவர்களின் நூல்கள் பற்றி பேசுகிறவர்கள் அவர் எழுதி முஸ்லிம் நாடகங்கள் பற்றி பேசியது குறைவு.
நமது மண்ணுக்கு உரித்தான பேச்சு வழக்கில் நிறைய நாடகங்கள் எழுதி இருக்கிறார்.


Ashra Siraj
மறக்கமுடியாதவை அவை ! இன்னும்நினைவில் தங்கியிருக்கும் நாடகங்கள் எத்தனை எத்தனை

கவிஞர் எ.எம்.எம் அலி

கவிஞர் எ.எம்.எம் அலி 

ஞானத் திரட்சியில்
நமது கலைஞன் தீரன் --கலை
ஏனத் திலிட்டு
இலக்கியப் பசி தீர்த்தபின்
மோனத் தவஞ்செய்து
முக்தி பெறும்
மோகத்தில் ஆழ்ந்தனனோ ?
இல்லையேல் இவன் வேறு
சோ(வே )கத்தில் வீழ்ந்தனனோ 

ஜே.வஹாப்தீன் -

ஜே.வஹாப்தீன் -

வெள்ளிவிரல் மின்னுகின்ற தீரன்
வெட்டவெளிக் காற்றினிலே பாரன்
சொல்லினிலே கலைசெய்து
சோக்கான கதைபுனைய
தென்கிழக்கில் இவர்தானே சூரன்.

ஜே.வஹாப்தீன் -

நவாஸ் சௌபி

நவாஸ் சௌபி---‘ எதுவரை-இதழில்...

‘எதுவரை-இதழில்....

 ஷோபா சக்தியின் எம்.ஜி.ஆர் கொலை வழக்குச் சிறுகதையின் மொழிப் பயன்பாடு இன்னும் 20 வருடங்களாகக் கடந்து வாசிப்புச் செய்யக் கூடிய ஒரு எழுத்துப் பண்பாட்டை இப்போதே படம் போடுகிறது. ஷோபா சக்தியின் சிறுகதையை மொழிக் கையாள்கையின் ளுமையோடு நோக்குவது போல் 

தீரன் ஆர்.எம். நௌசாத் எழுதிய‘விட்டு விடுதலையாகி’ எனும் சிறுகதையை கதை
 செல்லும் நுட்ப ஆளுமையாகவும் மதிப்பிடுகிறேன். 

எம்.எம்.எம். நூறுல்ஹக்.---செந்தூரம்-

செந்தூரம்-(27.02.2011 ) 

போட்டிகளில் பரிசுபெறாது திரும்பிவந்த

எனது சிறுகதைகளை  

அதிகமாக நேசிக்கின்றேன்.

நேர்காணல்.- பன்னூலாசிரியர். எம்.எம்.எம். நூறுல்ஹக்.

சாய்ந்தமருதைப் பிறப்பிடமாகவும் வசிப்பிடமாகவும் கொண்ட  தீரன்.ஆர்.எம். நௌஸாத் ஆளுமைமிக்க ஒரு புனைவாளர் ஆவார். தபால் அதிபராகத் தொழில்புரியும் இவர் சுமார் முப்பது வருட எழுத்துலக வாழ்வில் இருப்புக் கொண்டவர்.  ~வல்லமை தாராயோ..| (2000) சிறுகதைத் தொகுதிää ~நட்டுமை| (2009) நாவல்ää  ஆகிய இரு நூல்களை தனது அடையாளமாகத் தந்திருக்கும் இவர்  கவிதைகளுக்காள தனிச் சிற்றிதழாக  தூது என்ற சஞ்சிகையின்  16 இதழ்களை வெளியிட்டதோடு தனது பிரதேசத்திலிருந்து  இதுவரை வெளிவந்த சிற்றிதழ்கள் எதுவும்  இவ்வெளியீட்டுச் சாதனையை முறியடிக்கவில்லை. 

நமது இலங்கையின்   தமிழ்மொழிப் படைப்பாளிகளுள் கவிதை சிறுகதை நாவல் கட்டுரை போன்ற  பன்முக ஆளுமை கொண்டு தடம் பதித்த எழுத்தாளர்கள் மிகக்குறைவு.  ஆந்த வரிசையில் தீரன்.ஆர்.எம். நௌஸாத் தன்னை இடம்பிடிக்கச் செய்தவர். 

மட்டுமன்றி தனது சந்தக் கவிதைகளில்  ரசிகர்களைக் கட்டி வைத்து  கவிதை பாடிய ஒரு கவிஞருமாவார். மற்றும் வீரியமிக்க புனைவு இலக்கியத்தின் ஊடாக  தன்னைத் திரும்பிப் பார்க்க வைத்த வல்லவர். அவருடனான நேர்காணல் இது-

தீரன்.ஆர்.எம். நௌஸாத்

படைப்பு பற்றிய உங்கள் பார்வை…?

அது எவ்வகையான படைப்பாக இருந்தாலும் ஒருமின்னலைப் போல பளிச்சிட்டு  அது மனதில் கருக்கொள்கிறது. இனிஅதில் செய்ய வேண்டியதெல்லாம் செதுக்கல்களே..  இதற்கு வலிமையான ஒரு கருமென்பொருளும்  அதற்கேற்ற தனமமைப்பு நோக்குநிலை- வார்ப்புக்கள்-  போன்ற வன்பொருட்களும் தேவையாகின்றன.  ஏல்லாம் இயைந்து வருகின்றபோது  அது வெற்றிபெற்ற  படைப்பாகின்றது. 

உங்கள் சிறுகதைகள் கொண்டிருக்கும்  வித்தியாசமான கருப்பொருட்கள் தொடர்பில்…?

ஒரு சிறுகதையில் கையாண்ட உத்திகள் எவற்றையும் அடுத்த கதையில் நான் கையாள்வதில்லை. எழுதிய ஒரு சிறுகதையின்  கருவை விட்டும் முழுமையாக வெளிப்பட்டு இன்னொரு எழுதப்படாத கதையின் தளத்துக்குள் வருகின்றேன். தளமாறுபாடுகளும் வித்தியாசமான வார்ப்பு முறைகளும் பலவீனமான கருக்களைக் கூட  வன்மையடன் கட்டமைக்கின்றன. 

தவிரவும் வாசகனுக்கு சொல்லவேண்டிய  செய்தி என்னவாக இருப்பினும்  வாசகனைக் கதைக்குள் ஈர்த்தல் முக்கியமானது. அதற்கு வித்தியாசமான வாசல்கள் திறக்கப்படல்வேண்டும்.. வாசகனின் கவனம் நமது எழுத்தால் திருடப்படும் போது  நமது செய்தியை அவனது உள்ளத்தில் இலேசாக ஊன்றிவிட முடிகிறது..  இது எனது தனிப்பட்ட உத்திதான். கதை சொல்லிகளிடையே வேறுபாடுகள் உண்டு.. 

ஒரு படைப்பாளியின் இறதி எல்லை எதுவெனக் கருதுகிறீர்கள்..?

ஒரு மனிதனின் வரலாற்று எச்சம் அவனது மரணத்தின் பின் பெறப்படுகின்றது..  அதேபோல் ஒரு படைப்பாளியின் எச்சம்  அவன் எதைப்படைத்துவிட்டுச் செல்கின்றான் என்பதைப் பொறுத்தது..  காலஓட்டத்தில் அவன் விட்டுச்சென்ற படைப்புக்களின் ஊடாகNவு  அவன் மீண்டும் மீண்டும் உயிர்ப்பிக்கப்படுகின்றான்..  படைப்பாளிக்கு ஒருபோதும் மரணமில்லை..  அவன்தன்படைப்புக்கள் ஊடே வாழ்கிறான்..  பல தலைமுறை இடைவெளிகளிலும் சஞ்சரிக்கின்றான்.. அவை வாசிக்கப்படும் போதெல்லாம் வாழ்கிறான்.

உங்கள் நாவல்துறை முயற்சிகள்…?

முஸ்லிம் குரலில் வெளியான  ~பள்ளிமுனைக்கிராமத்தின்கதை|  நாவலின் தளம் ஒலுவில் கிராமத்தில் போடப்பட்டது..  பரிசுபெற்ற ~நட்டுமை| நாவலின் கரு  சம்மாந்துறையின் வயல்வெளிகளிலிருந்து கிடைத்தது..  ஈழநாதம் இதழில் வெளியான  ~வானவில்லே ஒரு கவிதை கேளு| குறுநாவலின் வார்ப்பு  கல்லடிப் பாலத்தில் உருவானது..  ~சாந்தமாமா| குறுநாவல்  தீகவாபி விகாரையில்  கருக்கொண்டது..  இப்படிப் பல கருக்கள்…பல தளங்கள்..  எனினும் இவை  வடிவத்தாலும் செதுக்குதல்களாலும்  ஒருபோதும் முழுமையுறுவதாயில்லை.. ஒன்றுமே எனக்கு நிறைவு தருவதாயுமில்லை…

சிற்;றிதழ் துறையில் உங்கள்  பங்களிப்பு எப்படி..? 

அப்படி ஒன்றும் பெரிதாக இல்லை.. 1985களின் போர்க்காலச்சூழலில்

உற்பவித்த ரோணியோக் கவியேடுகளில் ~அன்படன்ää| ~இன்னாலில்லாஹி|..ää~தீ.வை.|ää என்றெல்லாம் தூள்கிளப்பிக் கொண்டிருந்தாலும்  தூது என்ற பெயரில்  16 இதழ்களை அச்சில் கொண்டு வந்தேன்.. இது ஒரு கவிதைச் சிற்றிதழ்.  தூதில் ஆசிரியர் தலையங்கங்களை  குறும்பாää வெண்பா வடிவங்களில்  எழுதிப் பரிசோதித்தேன்..  மரபோ புதிதோ  ~கவிதை நமக்குத் தொழில்..| என்றாகி விட்டிருந்தது. 

புpன்னர் ஹைக்கூ கவிதைகளுக்காகவே  ~புள்ளி| என்ற இலங்கையின்  முதல் ஹைக்கூ கவியேட்டை  றாபிக்குடன் இணைந்து கொணர்ந்Nதூம்..  அதன் பின்னர் ~இரண்டாவது பக்கம்.|.. இதில் ஐhபிர்ääநகீபு நான்.. மிக வித்தியாசமான புதக்கவிதைகள் விதைத்தோம்..  இப்படிச் சில முயற்சிகள்.. 

உங்கள் வானொலி நாடகப் பங்களிப்பின் வகிபாகம் என்ன..? 

இலங்கை வானொலி முஸ்லிம் சேவையின்  வானொலி நாடகங்களுக்காக  மக்கள் காத்துக் கிடந்த காலமொன்று இருந்தது..  1982 தொடக்கம் ஏறக்குறைய 14 நாடகங்கள்தான்  எழுதியிருக்கிறேன்.. அவற்றில் ~ஒருகிராமத்தின் கவிதை..| நாடகம்ää  இன்றுவரை இடையிடையே மறுஒலிபரப்புச் செய்யப்பட்டு வருகின்றது.  ~காகிதஉறவுகள்| நாடகம்  2002 ல்.. பிரான்ஸ் தமிழ்வானொலியும் தினக்குரல் பத்திரிகையும் இணைந்து நடத்திய  உலக  வானொலிநாடகப் போட்டியில்  மூன்றாம் பரிசு பெற்றது.. 

பத்தி எழுத்துத் துறையோடு உங்களை பிணைப்பு  எவ்வாறு..?

விடிவெள்ளி வாரஇதழில் ~ஒரு சிற்றெறும்புக்கும் நிழல் இருக்கிறது..| என்ற தலைப்பில்  பாவலரின் படைப்புலகில் சஞ்சரித்தல் என்ற தொடரையும்  நல்லுறவு இதழில் ~விழித்திரையில் விரியும் வெண்திரை| என்ற தலைப்பில்  பிறமொழிச் சினமாக்களின்  அறிமுகத் தொடரையும் யாத்ரா சஞ்சிகையில் ~கொல்வதெழுதுதல|; என்ற சமுக விவரணப் பகுதியையும் சிலகாலம் எழுதிவந்தேன்..

உங்கள் புனைவுகள் பரிசுகளைச் சந்தித்த அனுபவம்..?

மலேசிய நண்பன் இதழ் நடத்திய சிறுகதைப் போட்டிää  தமிழ்நாடு சென்னை சுஐhதா அறக்கட்டளைääநடத்திய அறிவியல் விஞ்ஞானப் புனைவுபோட்டி நாகர்கோயில் காலச்சுவடு இதழ் நடத்திய சுந்தரராமசாமி 75 நாவல் போட்டி பேராதனைப் பல்கலைக்கழகத்தின் கீதம் இலக்கியப் போட்டிää  அரச ஊழியருக்கான ஆக்கற்திறன் போட்டிää  ஞானம்ää அமுது சஞ்சிகைகள் நடத்திய  சிறுகதைப் போட்டிகள்  போன்ற சுமார் 19 இலக்கியப் போட்டிகளில் பற்பல பரிசுகள் பெற்றிருப்பினும்  சில போட்டிகளில்  பரிசு பெறாது திரும்பிவந்த  எனது சிறுகதைகளை அதிகமாக நேசிக்கின்றேன்.. 

காரியப்பர்கள் வரலாறு எழுதுவதாக அறிகின்றோம்.. அதன் பின்னணி என்ன..? 

இது ஒரு தற்செயல் விபத்துத்தான்..  என் தொழில்நிமித்தம் நான் சந்தித்த  சிறிமைத்திதிரிபோதி நாயக்கரான  போகொல்லாநந்த தேரர் அவர்கள் இப்பகுதியிலுள்ள  காரியப்பர்கள் பலரை  என்னிடம் விசாரித்த போது  அவர்களில் பலரை எனக்குத் தெரிந்திரு;க்கவில்லை..  காரியப்பர்கள் பற்றி  அவர் பல வரலாற்றுத் தொடர்புகளைக் கூறியபோது  எனது அறியாமையின் மீது கோபமாக இருந்தது..  அக்கணமே இதனை அறியத் தீர்மானித்தேன்.. 

ஐந்துவருடகால சிரமமிக்க  தேடலகளின் முடிவில்  இலங்கை  முஸ்லிம்களுள்  காரியப்பர்கள் என்ற பெயருடன் விளங்கும் என் இரத்த உறவினர்ப் பரம்பரையை அறியமுடிந்தது..  கி;பி; 1400களில் ஆரம்பமாகும் இக்காரியப்பர்  பரம்பரை  புராதன காலத்து  சிங்கள மன்னர்  காலம் தொடக்கம்  இன்றுவரை  இலங்கை அரசியல் மற்றம்  சமுகவியலில்  அவர்களின் வகிபாகம் பற்றிய  விவரணமே  காரியப்பர்கள் வரலாற என்னும் எனது ஆய்வு நூல் ஆகும். இது தற்போது அச்சில் இருக்கிறது…

தியாகராசா ராஜ ராஜன்

தியாகராசா ராஜ ராஜன் 

வணக்கம் வாசகர்களே ,இலக்கிய ஆர்வலர்களே !
அண்மையில் காலம் 50 ஆவது இதழுக்காக கிழக்கிலங்கையைச் சேர்ந்த தீரன் ஆர் எம் நௌஷாத் அவர்களை ‘நாங்கள் கட்டுடைக்கிறோம் என்றால்....? நீங்கள் எதைக் கட்டுடைக்கின்றீர்கள்...’? என்ற தலைப்பில் நேர்காணல் செய்திருந்தேன். இந்த நேர்காணல் காலம் சஞ்சிகையில் வெளியாகியுள்ளது என்பதனை அறியத்தருகின்றேன். வாசகர்கள் 50 ஆவது காலம் சஞ்சிகையை தமிழ்நாடு புத்தகச்சந்தையில் காலச்சுவடு அரங்கு எண் 635 மற்றும் அந்திமழை அரங்கு எண் 299லும் பெற்றுக்கொள்ளலாம்.

நேசமுடன் கோமகன்

தியாகராசா ராஜ ராஜன் மாற்றங்களை உருவாக்குவதாலேயே நீங்களும் இன்று பேசப்படுகின்றீர்கள் உதாரணம் மறிக்கிடா மே ...........ய் .......

கண்ணன் சுந்தரம்

Kannan Sundaram

18 hrs · 

ஆர் எம் நவ்சாத்தின் கீழ்க்காணும் நேர்காணல் பற்றி இலங்கை வாழ் நண்பர் என்னிடம் தெரிவித்தார். அதில் காலச்சுவடு சார்ந்த பகுதியை அனுப்பி வைக்க கேட்டிருந்தேன். கீழே கொடுத்திருக்கிறேன்.

நவ்சாத்தின் படைப்பு காலச்சுவடில் வெளிவருவதை அடுத்து யாரும் கோள் செய்யவில்லை, யாரும் பறந்து வரவும் இல்லை. அத்தகைய செயல்பாடுகளுக்கு இடம் கொடுக்கும் அமைப்பு அல்ல காலச்சுவடு. பிரதி பற்றிய எங்கள் வாசிப்பும் கணிப்பும் மட்டுமே முக்கியமானது. இதன் அடிப்படையிலேயே அவரது மூன்று நூல்களை வெளியிட்டுள்ளோம். இத்தகைய கற்பனைகள் நம் சூழலை மாசுபடுத்துபவை, படைப்பாளிகளை உள்ளொடுங்கச் செய்பவை. அவசியம் தவிர்க்கப்பட வேண்டியவை.

//கேள்வி : இலக்கியத்தின் பெயரால் ஏற்படும் குழப்பங்களையும் நெருக்கடிகளையும் எப்படி எதிர் கொள்ள வேண்டும் என்று நினைக்கிறீர்கள் ?

பதில் : எந்தத் துறையையும் விட இலக்கியத் துறையில்தான் போட்டி ,பொறாமை ,குத்து வெட்டு ,காழ்ப்புணர்வு ,காவு கொடுத்தல் ,பழிக்குப் பழி ,கோஷ்டி மோதல் ,காலை வாருதல் ,தட்டிப் பறித்தல் ,வெட்டிக் கிழித்தல் ,கோள் காவுதல் ,நக்கல் ,நையாண்டிகள் ,முதுகில் குத்துதல் எல்லாமே மிக மிக அதிகம் .

மேலும் ,இலக்கியப் பட்டியல் வியாபாரிகள் சிலர் இருக்கிறார்கள் .பெத்தம்மா மொழியில் ஒரு சில படைப்பாளிகளையே பட்டியலிடுவார்கள் .மேடைகளில் முழங்குவார்கள் .இதற்கு சில காரணங்கள் உள்ளன .தான் சார்ந்த கோஷ்டியில் இருந்தால் தூக்கிப் பிடிப்பார்கள் .எதிர்க் கோஷ்டியில் இருந்தால் வெட்டி விடுவார்கள் .மற்றது புதிய எழுத்துகளை அவர்கள் படிப்பதில்லை .புதிதாக எழுதுவோரைத் தெரியாது .ஏதோ தான் ஒருவரைப் புகழந்தால்தான் அல்லது பட்டியலில் இட்டால்தான் அவனால் பிரபலமாக முடியும் என்று குருட்டுத்தனமாக நம்புகிறார்கள் .

எங்கள் பிரதேச எழுத்தாளர் ஒருவர் என்னுடைய நட்டுமை எனும் நாவல் பற்றி ஒரு கோள் காவிக் கொண்டு தமிழ்நாடு -நாகர்கோவிலுக்கு விமானத்தில் பறந்து அந்தக் கோளை காலச்சுவடு ஆசிரியரிடம் மூட்டிக் கொடுத்து விட்டு நிம்மதி கண்டார்...//

ஹஃப்றாத் எய்தன்

Thaj Mohamed Mohamed Hafrath 

2 hrs · 

தீரன் போர்

நாலு நாளு லீவு தீராதி தீரனின் படையல்கள் அலுப்பற்ற நாட்களாக காவுகொன்டன..

முற்றத்து மல்லிகையை
கூடாரமடித்து நுகரவேன்டியேற்பட்டது.

கதைகள் எல்லாம் கண்கள் முன்னே விரித்துவிடப்பட்டுள்ளன தரிசிப்பு அவர் அவர் உணர்வுகளை உசுப்புவதைப் பொருத்த்ததாய் அமையும்.

இறந்த காலம் இறக்கவே இல்லை
அவரது கதைகளில் கலகலப்பாக வாழ்கிறது... ..

படைப்புகளை பரிமாறிய சாச்சா நபீலின் மூத்த மகன் சகோ சஹ்னுனுக்கு நன்றிகள்..

தீரன். ஆர்.எம் நௌஷாத் உள்ளமை உள்ள உளவெளிப் படைப்புகள் மேலும் வர பிரார்த்தனைகள்.

ஹஃப்றாத் எய்தன்

யாழ்.கோமகன் -நேர்காணல் -காலம்

Tuesday, November 29, 2016

யாழ்.கோமகன் -நேர்காணல் -காலம்-50வது இதழ்

நேர்காணல் தீரன் ஆர் எம் நௌஷாத்

ராசிக் காரியப்பர் முகம்மட் நௌஷாத் என்ற தீரன் ஆர் எம் நௌஷாத் கிழக்கிலங்கையின் ஒரு சிறந்த இலக்கிய ஆளுமையாகக் கருதப்படுகின்றவர். தபால் திணைக்களத்தில் கடமையாற்றிய தீரன் 1979ஆம் ஆண்டுகளில் இருந்து தீவிர இலக்கிய செயற்பாட்டாளராகத் தன்னை இனம் காட்டியவர். பலர் விருதுகளை தேடி ஓடுகின்றகாத்தில் பல விருதுகள் இவரது வீட்டு வாசற் கதவைத்தட்டின. ஓர் கவிஞனாகவும்,சிறந்த கதை சொல்லியாகவும், பல வானொலி நாடகங்களை எழுதியவராகவும் எம்மிடையே அடையாளப்படுத்தப்பட்ட தீரன், இதுவரை , கொல்வதெழுதுதல்-90, (நாவல்) வௌ்ளி விரல்(சிறுகதை தொகுதி ),நட்டுமை(நாவல் ), வல்லமை தாராயோ...( சிறுகதை தொகுதி) அழித்தாயே ஆழித்தாயே ..(கவிதைத்தொகுப்பு ), ரமழான் ஸலவாத்- (பக்தி இலக்கியம்), ,அபாயா என் கறுப்பு வானம் (கவிதைகள்), வானவில்லே ஒரு கவிதை கேளு ..(குறுநாவல்), ஒரு சிற்றெறும்புக்கும் நிழல் இருக்கிறது (பாவலர் பஸீல் காரியப்பர் பற்றிய பத்தி ) என்று பல படைப்புகளை தமிழ்ப்பரப்பிற்கு தந்திருக்கின்றார். தனது வௌ்ளி விரல் சிறுகதை தொகுதிக்கு 2011இல் இலங்கை அரசின் சாஹித்திய விருது பெற்றவர்..
காலம் வாசகர்களுக்காக , நான் செய்த நேர்காணலில் இலக்கியம்,அரசியல், சமூகம் என்று தனது குரலை இங்கே ஆழமாகப் பதிவு செய்கின்றார் தீரன் ஆர் எம் நௌஷாத்.


கோமகன்




01 ஈழத்து இலக்கிய உலகத்தில் நீங்கள் யாராக இருக்கின்றீர்கள்?


நல்லது..நான் தொழிலால் ஒரு தபால் அதிபர். இலங்கையின் பற்பல பகுதிகளிலும் சுமார் 30 வருடங்கள் சேவையாற்றிய பின் தற்போது ஓய்வு பெற்றுள்ளேன் .. மூன்று பிள்ளைகளின் தந்தை.. மனைவி பாத்திமா றிபாயா..
இலக்கிய உலகத்தில் ஒரு திருப்தி அடையாத படைப்பாளியாகவே இருக்கிறேன்.. இதுவரை அறியப்படாத தளங்களில் இருந்தும் அறியப்பட்ட தளங்களில் உள்ள தெரியப்படாத பக்கங்கள் பற்றியும் கூடுதலாகச் சிந்திக்கிறேன்.... புதிய எழுத்துக்களின் தீவிர வாசகனாக இருக்கிறேன்... தமிழகம் புலம்பெயர் ஈழம் என்றில்லாமல் கைக்குக் கிடைப்பதையெல்லாம் வாசித்து விடுவதுண்டு.. முன்னரெல்லாம் நமக்குத் தொழில் வாசிப்பு.. யோசிப்பு என்றிருந்தேன்.. இப்போதெல்லாம் தேர்ந்தெடுத்தே வாசிக்கின்றேன். வலைப் பூக்களிலும் இணைய தளங்களிலும் கொஞ்சம் வலம் வருகின்றேன்.. தற்போது சூபித்துவ மெய்ஞான தமிழ்மொழி இலக்கியங்களை ஆய்ந்து வருகின்றேன்..


02 எழுத்து எப்படி உங்களை வசப்படுத்தியது?


என் பெற்றோர் இடையறாத வாசகர்கள்... அந்தக் காலத்திலிருந்தே என் தாயார் ஆனந்த விகடன் குமுதம் கல்கி வாசகி..என் தந்தையார் ஆங்கில நாவல்கள்தான் படிப்பார்... அதன் கதைகளை குடும்பத்தில் எம்முடன் பகிர்ந்து கொள்வர்.. உம்மாவும் தான் வாசித்த தொடர்கதைகளை சொல்வார்... இப்படி மாலைப் பொழுதுகளில் குடும்பமே வாசிப்பும் பகிர்வுமாக இருப்போம்... வாப்பா எல்லா தினசரிப் பத்திரிகைகளுக்கும் தவறாது சந்தா கட்டி விடுவார்.. விடிய பேப்பர்கள் வீட்டுக்கே வந்து விடும்... இப்படித்தான் எழுத்துகளின் மீதான என் தொடர்பு ஆரம்பித்தது....
~கல்முனை ஸாஹிறா| இலக்கியப் பண்ணையில்தான் இது ஆரம்பமாயிற்று. 1975ல் பாடசாலை வெளியீடான ~அம்பு| சஞ்சிகைக்கு ஒரு வாசகர் கடிதம் எழுதியதன் மூலம் எழுத்துலகில் உட்பிரவேசித்தேன். அப்புறம் துணுக்குகள்ää கேள்வி பதில்...உருவகக் கதை.. குறுங்கதை... ஒன்றிரண்டு சிறுகதைகள்.. அப்படி இப்படியென்று கொஞ்ச காலம்... 1990க்குப் பின்னர் ஒன்றும் எழுதாமல் ~இலக்கிய நெடுந்தூக்கம்.|... இக்காலப்பகுதி முழுவதும் படிப்புää தொழில்..திருமணம் குடும்பம்..என்று போயிற்று.. இருப்பினும் தோன்றும் போதெல்லாம் எழுதி எழுதி வைத்துக் கொண்டும் செவ்வை பார்த்துக் கொண்டும் அநேகமாக புத்தகங்கள் வாசித்துக் கொண்டும்தானிருந்தேன்.. இலக்கிய நெடுந்தூக்கத்திலிருந்து மீண்டெழுந்து ..2000ம் ஆண்டில் ~வல்லமை தாராயோ!| சிறுகதைத் தொகுதியை கொணர்ந்தேன்.. அதிலிருந்து தொடர்ச்சியாக எழுதி வருகின்றேன்


03 உங்கள் நாடக அனுபவங்களை சொல்லுங்கள்?


நாடகம் என்றால் மேடை நாடகங்கள் இல்லை... வானொலியில் முஸ்லிம் சேவையில் 1985 களில் பல நாடகங்கள் எழுதியிருக்கிறேன்...ஆ..அது ஒரு பொற்காலம்.! இப்போது தமிழக தொலைக்காட்சி நாடகங்களுக்கு நேயர்களிடம் இருக்கும் வரவேற்பு அப்போது இலங்கை வானொலி நாடகங்களுக்கு இருந்தன.. வானொலி நாடகங்களுக்காக நேயர்கள் காத்துக் கிடந்தனர்.. வானொலி நாடக குறியீட்டொலி கேட்டே தம் கைக்கடிகாரங்களை திருப்பி வைக்கின்ற காலம் அது..! 1985ல் எனது முதல் வானொலி நாடகம் ~வாக்கு|முஸ்லிம் சேவையில் ஒலிபரப்பானது. தொடர்ந்து 1990 வரை சுமார் 12 வானொலி நாடகங்கள் கலைமாமணி எம். அஸ்ரப்கான் அவர்களின் நெறியாழ்கையில் எழுதியிருக்கின்றேன். கிழக்குப் புற நாட்டார் பாடல்களை வானொலி நாடகங்களில் கலந்து கொடுத்து சில பரீட்சார்த்தங்களை செய்து பார்த்ததுண்டு.. இவற்றில் ~ஒரு கிராமத்தின் கவிதை| சுமார் 25 தடவைகள் ஒலிபரப்பானது.. வானொலி நாடகப் போட்டியில் ~காகித உறவுகள்| நாடகத்திற்கு தினக்குரலும் பிரான்ஸ் தமிழ் வானொலியும் இணைந்து 3ம் பரிசளித்தது. தத்துவஞானி உமர்கையாமின் வாழ்வியலின் ஒரு துளியாக ஒலிபரப்பான ~விண்மீன் வீடு| என்ற நாடகத்திற்கு நேயர்கள் பொழிந்த பாராட்டுமழையை நினைந்துää இப்போதும் நனைந்து மகிழ்கிறேன்..


நடிகமணி கேஎம் ஜவாஹர்ääஞெய்ரகீம் ஸஹீத்ää ஸில்மியா ஹாதிää நூர்ஜஹான் மர்ஸ_க்ää அஸ்ரப் சிகாப்தீன்ää ஸனோஸ் முகம்மத் பெரோஸ்ää ஏ.எல்.ஜபீர்ää ஏ.ஆர்.எம். ஜிப்ரிää எம். தாஜ்ää எம்.எம்.ரவ்ப்ääஹ_ஸைன்ää லத்தீப்ää புர்கான்பீ இப்திகார்ää என்று ஒரு கலைஞர் பட்டாளமே ~குரல் நடிக நட்சத்திரங்களாக| திகழ்ந்த காலத்தை எண்ணி வியக்கிறேன்.


ஓலிபரப்பாகிய நாடகங்களில் கைவசம் உள்ள 10 நாடகங்களின் தொகுப்பு ~முஸ்லிம் நிகழ்ச்சியில் அடுத்ததாக....| என்ற பெயரில் இறுவட்டுத் தொகுதியாக அடுத்த மாதமளவில் வெளிவருகிறது.
.
05 ‘கொல்வதெழுதல்90’ நாவல் உருவாகவேண்டியதன் பின்னணி என்ன?


~பள்ளிமுனைக் கிராமத்தின் கதை| என்ற பெயரில் தொடர்ச்சியாக 2003 தொடக்கம் முஸ்லிம் குரலில் 40 அங்கங்களாக ஒரு அரசியல் விவரணத் தொடராக 1990 களின் தென் கிழக்கின் யுத்த காலத்தைப் பின்புலமாகக் கொண்டதாக பிரசுரமானது இது.. அக்காலத்து யுத்த அரசியல் போக்கினால் பாதிக்கப்பட்ட ஒரு அப்பாவிக் கிராம மக்களின் வாழ்வியல் பற்றிய இவ்விவரணம் பின்னர் நண்பர்களான எம். பௌசர்.. எம்.எம்.எம்.நூறுல்ஹக் ஆகியோரின் ஊக்குவிப்பினால் தனி ஒரு முழுநாவலாக உருவெடுத்தது. இது மேலும் செவ்விதாக்கப்பட்டு ~கொல்வதெழுதுதல். 90| என்ற தலைப்பு மாற்றத்துடன் காலச்சுவடு நிறுவனத்தினால் வெளியிடப்பட்டது..
இந்நாவலுக்கு தமிழ் நாடு அரசின் தெரிவில் 1000 பிரதிகளுக்கான நூலக ஆணை கிடைத்தது...... மேலும் 2014இன் இலங்கை சாஹித்திய விருதுக்கான போட்டியில் இறுதிச் சுற்றுக்கு தெரிவானது...
தமிழ் நாட்டில் எஸ். ராமகிருஷ்ணன் 2000க்குப் பின் வெளியான முக்கியமான தமிழ் நாவல்களில் இதுவும் என்று என சிலாகித்துப் பேசியிருக்கிறார்..
ஆயின் இலங்கையில் .... ? இதன் உள்ளடக்கம் கிழக்கு முஸ்லிம் அரசியல் என்பதால் சில "யாழ்-விற்பன்னர்களால்" ஒதுக்கப்பட்டது...நம்ம "பேராசிரியர்களாலும்" ஒரு வித்துவப் பெருமை காரணமாக கண்டுகொள்ளப்படாமல் ஆனது......இப்படி இன்னும் சில "பெரிய (?)எழுத்தாளர்களின்" புறக்கணிப்புகளாலும் பொறாமைத்தனங்களாலும் மனம் காய்ந்து போன நான் கோபத்துடன் இன்னமும் சிரித்துக் கொண்டிருக்கிறேன்...... http://kolvatheluthuthal.blogspot.com/ இத்தளத்தில் இந்நாவல் பற்றி விரிவான தகவல்கள் பெறமுடியும்


‘நட்டுமை’ நாவலுக்கான உருவாக்கம் பற்றி...?


என் மூன்றாவது முழு நாவல் ~’நட்டுமை’| இது கிழக்கு மண்ணின்1940க்கு முந்திய விவசாய மக்களின் வாழ்வியலைப் பேசுகிறது. கிழக்கு முஸ்லிம் மக்களின் வட்டார வழக்குப் பேச்சோசையில் ஒலிக்கும் இந்நாவல் கடல்கடந்து தமிழ்நாட்டில் சுந்தரராமசாமி நினைவு நாவல் போட்டியிலும் முதற்பரிசு பெற்றது. 2009ல் காலச்சுவடு வெளியீடாக வந்தது.
ஈழத்தினுள் முடங்கிக் கிடந்த இலங்கை நாவல் துறையை தமிழ் நாட்டை நோக்கி நகர வைத்த பெருமை இந் நாவலுக்குண்டு என பேராசிரியர் ரமீஸ் அப்துல்லாஹ் அவர்கள் குறிப்பிட்டுள்ளார்.
மேலும் தென் கிழக்குப் பல்கலைக்கழகத்தில் மொழித் துறையில் தமிழ் சிறப்புக் கலைமாணி இறுதித் தேர்வுக்காக, ‘கிழக்கு முஸ்லிம்களின் பாரம்பரிய வாழ்வியலைத் தெளிவுறுத்தும் நட்டுமை நாவல் சமூகவியலடிப்படையிலான விமர்சன நோக்கு “ என்ற தலைப்பில் இந் நாவல் மாணவன் முகமத் அஸ்மத் தினால் ஆய்வு செய்து சமர்ப்பிக்கப்பட்டுள்ளது
சில ~இலக்கிய இருட்டடிப்புகளையும்| மீறி எனக்கு ஓரு ஒளிவட்டம் தந்தது இந்நாவல். http://naddumai.blogspot.com/ என்ற தளத்தில் நட்டுமை பற்றிய முழு விபரத்தினையும் காணலாம் ..


உங்கள் நாவல் முயற்சிகளைப் பற்றிக் கூறுவதானால்...?


நாவல் எழுதுவது தனி ஒரு நுட்பம். மிக நீண்ட சிறுகதையை ஒரு முழுநாவலாக்கி விடுவோரும் ஒரு நாவலையே ஒரு சிறுகதையாக்கி விடுவோரும் இந்த நுட்பம் தெரியாதோரே... இந்த நாவல்த் தொழிநுட்பத்தை நான் கற்றுக் கொண்டு கையாள ஆரம்பித்த போது வாசகர்கள் பொதுவாகää நாவல்கள் வாசிப்பதையே பெரும்பாலும் நிறுத்தியிருந்தனர்....
இந்த தேக்க நிலையிலும் இப்போதும் நாவல்கள் வந்து கொண்டுதானிருக்கின்றன.. வாசிக்கப்பட்டுக் கொண்டுமிருக்கின்றன.. ஒரு சிறுகதைக்குள் அடக்கி விட முடியாமல் திணறிக் கொண்டிருக்கும்~கரு எச்சங்கள்| வியாபித்து வெடிப்பது நாவலில்தானே...அந்தப் பிரசவம் தரும் வலி இனிது. அதன் வடிவமைப்புகள் பெரிது.. அதனூடான சஞ்சாரம் ஒரு ஆபத்தான அழகு.. ஓரு நாவலைப் படித்த பின் அக்கதை மாந்தருடன் வாசகர் வாழும் காலமெல்லாம் அந்நாவலும் அதன் தயாரிப்பாளியும் நித்திய ஜீவியமடைகிறார்கள்; என்பதே உண்மை.
என் முதல் குறுநாவல் ~வானவில்லே ஒரு கவிதை கேளு..| ஈழநாதம் பத்திரிகையில் 2005 தொடக்கம் ஏழு தொடர்கள் ஏழு வண்ணங்களாக வெளியாயிற்று- மற்றும் “:வக்காத்துக்குளம் “யுத்த பிக்குகள் “என்பனவும் தற்போது உருவாக்கத்தில் உள்ளன....

06 உங்கள் கதைகள்/கவிதைகள் எதைத்தான் சனங்களுக்கு சொல்ல முயலுகின்றன?


இந்த மிலேனிய யுகத்திலும் கூட இப்போதும் உயிர்ப்புடன் இருக்கும் தூய கிராமங்களில் வாழ்கிற மக்களின் “குணாதிசய “ தன்மைகளை..ஒழுக்கமான வாழ்வியலை ... எதிர்கால ‘எந்திர மக்களுக்கு’ ஓரளவேனும் என்னால் சொல்ல முடிந்தால் பேறடைவேன்... அதற்காகவே எழுதிக் கொண்டுமிருக்கிறேன்...
முதலில் நுகர்பவரை கதைக்குள்ளே வரவைக்;கிறேன். அப்புறம் அவர் என்னை வாங்காமல் போக முடியாதபடி செய்து விடுவது என் கதைத் தந்திரம். இதில் மறைப்பதற்கு ஒன்றுமில்லை. எல்லோரும் ஒரே விதமாக ~கதை|த்துக் கொண்டிருப்பதில் அர்த்தமில்லை. இக்காலத்தில் கூட என்னால் இன்னும் வெகுசுதந்திரமாக எழுத முடியவில்லை என்றே விசனிக்கிறேன்;.


07 தாயகத்து இலக்கியப் பரப்பில் உங்களால் சுதந்திரமாக வலம் வர முடிந்ததா?


இல்லை.... தமக்குத் தாமே “தமிழ் புலமை”க் கிரீடங்கள் சூடிக் கொண்டு இலக்கிய குறுநில மன்னர்களாக வலம் வருவோரும்...பச்சை தூஷணம் எழுதிக் கொண்டு அது நவீன கட்டுடைப்பென்று கதை விட்டுக் கொண்டு உலவும் பாலியல் வியாபாரிகளும்... இஸ்லாத்துக்கே சம்பந்தமில்லாத அடி மூட நம்பிக்கைகளை இஸ்லாமிய நெறிமுறை என்று உபதேசம் செய்துகொண்டு பத்வா (தீர்ப்பு) சொல்கிற சில அத்தர்தாடி-ஜுப்பா வேஷதாரிகளும் என்னை சுதந்திரமாக எழுத விடுகிறார்கள் இல்லை....


08 ஈழத்து தமிழ் இலக்கியப்பரப்பில் முஸ்லீம்களின் பங்களிப்பு எப்படியாக இருந்தது?


இது விரிவாக சொல்ல வேண்டிய விடயம்.. ஈழத்து . முஸ்லிம்களின் தமிழ்ப் பணிகளின் வரலாறு மிக நீண்டது... ஈழத்தின் முதல் தமிழ் நாவலை எழுதியவர் அறிஞர் சித்திலெப்பை... யாழ்ப்பாண புலவர் பெருமக்களால் போற்றிப் புகழப்பட்ட ‘அருள்வாக்கி’ அப்துல் காதிர் புலவர்.... சுமார் இரண்டாயிரம் இஸ்லாமிய தமிழ் நூல்களை வெளிச்சத்துக்குக் கொணர்ந்த அல்லாமா ம.மு. உவைஸ்... என்று எத்தனையோ இஸ்லாமியர் தம் தமிழ்ப்பணியை இங்கு ஆற்றியிருக்கின்றனர்...
பல்சந்தமாலை ,ஞானகுறவஞ்சி , ஆயிரம் மசாலா, திருநெறி கீதம்,சாது விநாயகம் என்று சுத்தமான இலக்கணத் தமிழில் அவர்கள் செய்த தமிழ்ப்பணிகள் இன்று இஸ்லாமிய தமிழாராய்ச்சி மாநாடுகளில் ஆய்வுக்குட்படுகின்றன... இது மிக விரிவான விடயம்... ஒரு ‘கொசுறு’த் தகவலாக இதைச் சொன்னேன்...

09 படைப்பாளிகள் தங்கள் படைப்பு ஒன்று வெளிவந்தததின் பின்னர் வேறு படைப்புகளை வெளிக்கொண்டு வராது தாங்கள் வெளிக்கொண்டு வந்த ஓர் படைப்பின் புகழின் பேரால் தாங்களும் ஓர் இலக்கியவாதி என்று வலம்வருவதை நீங்கள் எப்படிப் பார்க்கின்றீர்கள்?


உள்ள கைச்சரக்கு அவ்வளவுதான்... அதுவும் செலாவானியாகி விட்டது.. இனி கற்பனைக்கும் விற்பனைக்கும் ஒன்றுமில்லை... பெட்டியைக் கட்டிக்கொண்டு புறப்படுவதை விட்டுவிட்டு தன பண்டமாற்றை எண்ணிஎண்ணி ஏங்குவதும் தன்னைத் தானே புகழ்வதுமாக சில ‘பிரதி’கிருதிகள்... அலைகிறார்கள்.... சிரிப்பாக இருக்கிறது... அனுதாபம் வருகிறது..
.
10 பின்நவீனத்துவம் அல்லது கட்டுடைப்பு என்ற போர்வையில் படு பச்சை தூசணங்களை தங்கள் கதைகள் மூலம் இலக்கிய வெளியில் எழுத்தாளர்களால் பரப்பபடுகின்றது. இது பற்றி.............?


ஆமாம்....யோனியின் மீது சத்தியமாக ..... என்றும் கொங்கைகளை ஆராதிக்கிறேன் என்றும்.... தன அடிமனத்தின் பாலியல் வக்கிரங்களை வெட்கமின்றி எழுதி விட்டு இது கட்டுடைப்பு என்றால் ....இதை எப்படி ஏற்றுக் கொள்வது...? இதை வாசிக்கின்ற வாசகனின் கற்பனை இதை எழுதியவரின் மனைவி பெண் பிள்ளைகளின் அங்கங்கள் மீதே மொய்க்கின்றன.. இந்த எழுத்துக்கு எவ்வகையிலும் சம்பந்தமில்லாத அந்தப் பெண்களின் நிர்வாணம் இந்தப் புத்தகங்களில் பளிச்சிடுகிறது... இதை தன அம்மாவோ சகோதரிகளோ பெர்த்திகளோ வாசித்து தன மகன் சகோதரன் பேரன் இத்தனை பாலியல் வக்கிரனாக இருந்திருக்கிறானே என்று காறித் துப்புதுகள்....
நாங்கள் கட்டுடைக்கிறோம் என்றால்....? எதைக் கட்டுடைக்கிரீர்கள்...? பாலியல் சமாச்சாரங்களை பக்காவாக வெளிப்படுத்துகிறீர்கள்... பாலியல் எழுதக் கூடாது என்று யாரும் சொல்லவில்லை.... இதிகாசங்களில் சொல்லாத பாலியல் விஷயங்களையா நீங்கள் சொல்லப் போகிறீர்கள்...? நயமாக...நாகரீகமாக சொல்லுங்கள்...என்றுதானே வேண்டுகிறோம்...இல்லை இப்படியும் நாங்கள் எழுதலாம்தானே என்றால் கடைகளில் தொங்கும் “ஜகஜகா சுந்தரி “ கூட இலக்கிய நூல்தான் என்று கொள்ள வேண்டும்...


11 போரிலக்கியம் பற்றிய உங்கள் பார்வை எப்படியாக இருக்கின்றது?


போரிலக்கியம் தனி ஒரு கூறாக காலூன்றி விருட்சமாகிவிட்டது... போரிலக்கியம் என்றாலே தமிழில் மட்டும்தான் இருக்கிறது என்றோ தமிழர் மட்டுமே போரிலக்கியத்தின் சொந்தக்காரர்கள் என்றோ வரைவிலக்கணம் செய்பவர்கள் உண்டு,,, இலங்கையில் வாழும் எல்லா இனங்களும்தான் போரில் பாதிக்கப்பட்டன.. சிங்களத்தில் மஞ்சுள வெடிவர்த்தனே தொடக்கம் நிஷாந்த தென்னக்கூன் வரை ஆயிரக்கணக்கில் போரிலக்கியங்கள் படைக்கப்பட்டுள்ளன.... முஸ்லிம் களைப் பொறுத்தவரையில் 1980 களில் கிழக்கின் முஸ்லிம் கிராமங்களில் இருந்து எழுத்துக்கு வந்த இளையோரில் போரிலக்கியம் படைத்தோரே அநேகர்.. ஞானம் போன்ற சஞ்சிகைகள் தமிழரின் போரிலக்கியம் வெளியிட்டு உலகளவில் கொண்டு சென்ற அளவுக்கு இலங்கை முஸ்லிம்களின் போரிலக்கிய படைப்புகள் கொண்டு செல்லப்படவில்லை...


13 ஓர் கவிதையானது எப்படியாக இருக்க வேண்டும்?


கவிதையின் மூலப் பொருட்கள் வட்டார வழக்காக இருக்கட்டும் அல்லது அம்மண வார்த்தையாயிருக்கட்டும்ää அல்லது மரபுப் பர்தாவைப் போர்த்திக் கொண்டிருக்கட்டும்ää எதுவாயினும்ää ~பெருகிய உணர்வின் இறுகிய சிந்தனைச் சிறைப்பிடிப்பே கவிதை| என்று எனது குருநாதர் பாவலர் பஸீல் காரியப்பர் கூறுவதை விடவும் அவை வேறானதல்ல என்றே இன்னமும் உணர்கிறேன்.... அவரது காலப்பகுதியில் அது சரிதான்... ‘’ஒற்றைச் சொல்லிலும் ஒரு கவிதை’’ என்பதே இக்கால வழக்கு.


15 பிரமிள் பற்றிய உங்கள் அவதானம் எப்படியாக இருக்கின்றது?


தமிழகத்துக்கு தாரை வார்க்கப்பட்ட பிரமிள் அவர்களின் படைப்புக்களை எனக்கு இரண்டாம் விஷ்வாமித்திரனே அறிமுகப்படுத்தினார்... அவரது ‘லங்காபுரி ராஜா ‘ விலுள்ள கதைகளே என்னை அவர்பால் ஈர்த்தன. அவரின் ‘கைப்பிடியளவு கடல்’ நூலில் துருத்திக் கொண்டிருக்கும் ஆன்மிகம் என்னால் புரிந்து கொள்ள முடியாத அளவுக்கு ஆழமாக இருந்தது ..... பிரமிளின் ஆத்மீக உணர்ச்சி படைப்புனர்ச்சியை விடவும் மேலோங்கியது என்பர்.. முப்பது வயதிலேயே மௌனியின் நூலுக்கு முன்னுரை எழுதும் தகுதி பெற்றவர் என்றால் அவரது எழுத்தாண்மை பற்றி என்ன சொல்ல...? பிரமிளின் ஓவியங்கள் அவரது இன்னொரு அசாத்தியமான வீச்சு என்கிறார்கள்... எனக்கு அன்னாரின் ஓவிய உலகம் தெரியாது... மைக்கல் கொலினின் மகுடம் இதழ் பிரமிள் சிறப்பிதழை கொண்டு வந்து தன் தரத்தையும் இருப்பையும் மேம்பாடுடையதாக்கிற்று .....


16 கவிதை இனி மெல்லச் சாகும் என்று கூறுவோர் பற்றி நீங்கள் என்ன சொல்கின்றீர்கள்?


சிறுகதை செத்துக் கொண்டு வருகிறது என்கிறார்கள்...நாவல் செத்தே விட்டது என்கிறார்கள்..இப்போது கவிதை இனி மெல்லச் சாகும் என்றால் பிழைத்திருப்பது என்ன,,, விடுகதைகளும் துனுக்குக்களுமா...? தமிழ் உயிரோடு உள்ளவரை அதன் படைப்புக் கூறுகள் ஒரு போதும் சாகா... வடிவங்களும் சொல்முறைகளும் மாற்றமடையலாம்...


17 உங்களுக்கும் பேராசிரியர் எம்.ஏ. நுஃமான்-க்கும் இடையிலான தொடர்புகள் எப்படியாக இருந்தன ?


பேராசிரியர் நுஹ்மான் சேர் என் “நட்டுமை” நாவலுக்கு காலச்சுவடு நிறுவனத்தின் வேண்டுகோளின் பேரில் ஒரு விரிவான முன்னுரை அளித்துள்ளார்... என் ஊர் அவர்.. தூரத்து உறவினரும் கூட... நுஹ்மான் சேரின் எழுத்துக்களை எப்போதும் விடாமல் பயில்பவன் நான்.. அவரது ‘அழியா நிழல்களி’ல் அழிந்தவன் நான்.. எங்கள் பகுதிக்குக் கிடைத்த ஒரு மொழி முதுசம் அவர்... முழுக்க முழுக்க வெளியூர்களிலே அவரது காலங்கள் கழிந்ததால் ஒருமுறை கூட அன்னாரை நேரில் நான் சந்தித்ததில்லை என்பது ஒரு பெரிய மனக்குறை.


18 புலம் பெயர் சூழல்களில் வாழுகின்ற படைப்பாளிகள் எப்படியான கதைக்களங்களைத் தெரிவு செய்யவேண்டும் எனஎதிர்பார்க்கின்றிர்கள்?


கதைக் களங்கள் தெரிவு செய்யப்படவேண்டும் என்பதில் எனக்கு அவ்வளவு உடன்படமுடியவில்லை... கதை களங்கள் உருவாகின்றன என்பதே சாத்தியமானது.. புலம் பெயர் சூழல்களில் வாழுகின்ற படைப்பாளிகளுக்கு விரிவான களங்கள் திறந்து விடப்பட்டுள்ளன..கதைக்கருக்கள் தம் முதிர் நிலை அடையும் போது இதுவரை அறியாத தளங்களிலும் பிரசவங்கள் நிகழலாம்...

21 இணையத்தின் அசுர வளர்ச்சியால் தமிழ் இலக்கியத்தின் எதிர்காலப் போக்குகள் எந்தவகையில் மாற்றங்களுக்கு உள்ளாகும்?


அசாத்தியங்கள் என்று கருதப்பட்ட மாற்றங்கள் சாத்தியமாகி விட்டன...புலம் பெயர் நாடுகளில் தமிழரின் இனக்கலப்புகள் ஒரு புதிய இனத்தை தோற்றுவித்துள்ளன... “கனகரெத்தினம்” என்ற பெயரில் ஒரு வெள்ளைக்காரனும் ..’’மகாலெட்சுமி’’ என்று ஒரு வெள்ளைக்காரியும் வளர்கிறார்கள்... அதே போல்தான் தமிழ் இலக்கியத்திலும் புதிதாக ஒரு வகையான ‘’எந்திரத் தமிழ்’’ உருவாகி வருகிறது.. இணையத்தின் அசுர வளர்ச்சியால் தமிழ் தன் சுய எழுத்து வடிவை இழந்து வருகிறதோ என ஐயப்பாடு ஏற்படுகிறது .. தமிழ் மொழி தன் சுய வடிவில் எழுதப்படாமல் ஆங்கில லிபிக்களினால் தட்டச்சு செய்யப்படுவதனால் தமிழ் மொழி ஒரு “பார்வைப் புலனுக்கு” மட்டுமே உள்ளது... ஒரு மொழி எழுத-வாசிக்க-பேச என்று இருந்த நிலை மாற்றம் பெறுகிறது... எழுத என்பது இனி இருக்காது... பேச- வாசிக்க மட்டும் உதவப் போகிறது..அதிலும் மாற்றங்கள் ஏற்படவும் கூடும்... .


22 மல்லிகை சிரித்திரன் போன்ற சஞ்சிகைகள் ஏற்படுத்திய இலக்கிய வெளியில் அதிர்வைப் போன்று இப்பொழுது உள்ள சஞ்சிகைகளால் ஏன் ஓர் பாரிய அதிர்வை ஏற்படுத்த முடியவில்லை?


மல்லிகை –சிரித்திரன் காலங்களில் இணைய வசதி இருக்கவில்லை.. அவை மட்டுமே அக்காலத்தில் “இலக்கிய ஏகோபித்த ஜாம்பவான்களாக “ இருந்தன.. இலக்கியவாதிகள் அவற்றை மட்டுமே இலக்கியச் சிற்றிதழ்கள் எனக் கொண்டனர்.. எல்லோரும் அதிலேயே எழுத வேண்டியிருந்தது.. எனவேதான் இலக்கிய வெளியில் அவை அதிர்வுகளை ஏற்படுத்தின...இப்போது அப்படியில்லையே... எழுத்துகளின் தளம் இணையவெளியில் வியாபித்து விட்டது... அதிர்வுகளின் தளமும் அகலமாகிவிட்டது...


23 அண்மையில் மறைந்த எஸ்பொ மட்டக்களப்பில் வாழ்ந்த காலத்தில் நீங்களும் இருந்திருக்கின்றீர்கள். அவருடனான தொடர்பு உங்களுக்கு எப்படியாக இருந்தது?


எஸ்.பொ. அவர்கள் இங்கு வாழ்ந்த காலத்தில் நான் பயிலும் சிறுவன்.. அன்னாரை சந்தித்ததில்லை... ஆயின் எஸ்.பொ விடம் எழுத்துப் பயின்ற ஏ. பீர்முகம்மது சேர் அவர்கள் எனது ஆசிரியர்.. அவர் எனக்கு வாசிக்கத் தந்த எஸ்.பொ வின் “வீ “ மற்றும் ‘சடங்கு’ , ‘தீ’ , ‘இஸ்லாமும் தமிழும்’ போன்ற நூல்களில் அவரது எழுத்துகளில் காந்தமாக ஈர்க்கப்பட்டு ஓட்டிக் கொண்டவன்....’பாலீர்ப்பு’ விடயங்களை எத்தனை நுணுக்கமாக கையாண்டிருக்கிறார் என்பதை எண்ணி மலைப்பாக இருக்கிறது....


25 உங்கள் எழுத்துக்களுக்கு யாராவது ஆதர்சமாக இருந்திருக்கின்றார்களா?


குறிப்பிட்ட ஒருவர் என்றில்லை.... காலங்களுக்கு ஏற்ப ஆதர்சங்கள் மாறுகின்றன... சிறு வயதில் பரணில் வைத்து கதை சொன்ன மூத்தப்பாவிலிருந்து பின்னர் மருதூர்க்கொத்தன்..வ.அ. இராசரெத்தினம்... எஸ். நசீருதீன் ... தமிழகத்தில் மேதாவி... சுஜாதா.. இப்போதைய எஸ்ரா,சோபாசக்தி..விமல் குழந்தைவேல் வரை எல்லோருமே ஒவ்வொரு காலகட்டத்து ஆதர்சங்கள்தாம்...

26 யுத்தகாலத்துக்குப் பின்னரான சமகால ஈழத்து/புலம்பெயர் இலக்கியச் சூழல்கள் உங்களுக்குப் புதிய நம்பிக்கைகளைத் தருகின்றவா?


ஆமாம்..நிறைய நம்பிக்கைகளை தருகிறது... தலைமுறை தலைமுறையாக ‘கன்னித் தமிழை’ உருப்போட்டுக் கொண்டிருந்த நாம் ‘கணினித் தமிழை’ கையாண்டு கொண்டிருக்கிறோம்... ஈழத்துப் போரிலக்கியம் - –புலம்பெயர் பேரிலக்கியம் என்று புதிய ‘எறிகை’கள்..பாய்ச்சல்கள் நிகழ்கின்றன...


27 ஒப்பீட்டளவில் பரந்த இலக்கிய அறிவும் பன்முகப்படுத்த வாசிப்பு அனுபவங்களையும் கிழக்கு மாகாணம் கொண்டிருக்கின்றது. ஆனால் அங்கிருந்து ஊடகங்கள் என்று அதிகளவு வெளிவரமுடியவில்லை. இதற்கு நேர்எதிராக வடக்கு மாகாணத்தில் பாரிய அளவு ஊடகங்கள் வெளிவந்தும் இலக்கிய அறிவையோ இல்லை பன்முகப்பட்ட வாசிப்பு அனுபவத்தை எட்ட முடியவில்லை. ஓர் மூத்த இலக்கியவாதியான நீங்கள் இதை எவ்வாறு உள்வாங்குகின்றீர்கள்?


‘’வடக்கு மாகாணத்தில் பாரிய அளவு ஊடகங்கள் வெளிவந்தும் இலக்கிய அறிவையோ இல்லை பன்முகப்பட்ட வாசிப்பு அனுபவத்தை எட்ட முடியவில்லை.’’ என்ற இந்தக் கருத்தில் என்னால் உடன்பட முடியவில்லை... விரும்பியோ விரும்பாமலோ வடக்குத்தான் தமிழிலக்கியத்தின் வள வேர். கிழக்கு அதன் கிளைதான்... போர்க்காலம் தாய் வேரை கொஞ்சம் அசைத்து விட்டிருக்கலாம்... ஆனால் அதுதான் ஆணி வேர். பன்முகப்பட்ட வாசிப்பு அனுபவம் யாழ்.மண்ணுக்கே உரித்தான சொத்து... இதை ஏன் சும்மா மறுதலிக்க வேண்டும்...?


28 இலக்கியப்பரப்பில் ஓர் படைப்பாளிக்கு வழங்கப்படும் விருதானது எத்தகைய தாக்கத்தை உருவாக்குகின்றது?


சங்ககாலம் தொட்டு இலக்கியமும் விருதுகளும் தொடர்புற்றே உள்ளன.. எழுத்துக்காக வழங்கப்படும் விருதுகள் பெறுமதிமிக்கவை.. விருதுக்காக எழுதுபவை செல்லாக்காசுகள்... துரதிர்ஸ்டவசமாக இப்போதெல்லாம் எழுத்தாளர்கள் விருதுகளால் முதுகு சொரிந்து கொள்வதைத்தான் தினமும் பார்க்கிறோமே...


29 அண்மைக்காலமாக படைப்பாளிகள் விருதுகளை மறுதலித்தலும்,அவர்கள் வாங்கிய விருதுகளை மீள்கையளிப்பதும் நடக்கின்றதை அவதானிக்கக் கூடியதாக இருக்கின்றது. இது ஆரோக்கியமான போக்காக உங்களுக்குத் தெரிகின்றதா?


ஆரோக்கியம் என்பது இங்கு முற்படுத்தப்படக் கூடாது... தன் எதிர்ப்புணர்வின் வெளிப்பாடு அது... என்னை நீ விருது தந்து கௌரவம் செய்தாய்..சரி.. ஆனால் நீ கௌரவமாக நடந்து கொள்ளவில்லையே என்ற தார்மீகக் கோபம் அது.. சமூகவியலின் மீதான அக்கறை அது... தன்னையும் பேசட்டும் என்றில்லாமல் உண்மையான சமூக அக்கறை கொண்டு தந்த விருதை தூக்கி எறிவது படைப்பாளியின் உரிமை.. அந்த உணர்வை அந்த போராட்டத்தை நான் மதிக்கிறேன்....


30 தமிழகத்து படைப்பாளிகள் ஈழத்து படைப்பாளிகளை தங்களுக்கு சமனாக வைத்துப் பார்பதில்லை என்றவோர் குற்றச்சாட்டு உண்டு. இதுபற்றி…..?


இது ஒரு உளநோய் என்பேன்.. தமிழகத்துப் படைப்பாளிகளுடன் ஒப்பிட்டு திருப்திப்படவும்,, எங்களையும் மதியுங்கள் என்று பல்லிளிக்கவும் நமக்கு என்ன அவசியம் வந்தது..? ஈழத்துப் போரிலக்கியம் ஏற்படுத்திய அதிர்வு தமிழகத்தின் ஒட்டு மொத்தப் படைப்பாளிகளையும் நம் பக்கம் திரும்பிப் பார்க்க வைக்கவில்லையா...? நமக்கென்று ஒரு இலக்கியப் போக்கு இருக்கிறது... நமக்கென்று ஒரு எழுத்து இருக்கிறது... திறமை நம்மிடம் இருந்தால் தமிழகம் வணங்கும் என்பது திண்ணம்.. புலம் பெயர் தளங்கள் முழுவதும் ‘எழுத்து ஆட்சி’ செய்து கொண்டிருப்போர் அனைவரும் ஈழத்தோரே .... ‘’நீங்கள் ஈழத்தின் ஜெயகாந்தன்...’’ என்று எஸ்.பொ விடம் கூறிய போது “இல்லை...ஜெயகாந்தன்தான் தமிழகத்தின் எஸ்.பொ .” என்று சீறிய ‘’பொன்னுத்துரைத்தனம்’’ நமக்குள் இருக்க வேண்டும்..


36 உங்கள் படைப்புகள் மீது வருகின்ற விமர்சனங்கள் அல்லது எதிர்வினைகளை எப்படியாகப் பார்க்கின்றீர்கள்?


படைப்பது என் ஆன்மீகப் பணி.. விமர்சனங்கள் –எதிர்வினைகள் என்பன என் பணியை செப்பம் செய்பவை. வரவேற்போம் .... ஆயின் ஒரு படைப்பின் மீது காழ்ப்புணர்வோடு செய்யப்படும் எதிர்வாதங்களை நான் கண்டு கொள்வதில்லை.. என் ‘நட்டுமை’ நாவலை விமர்சனம் செய்த ஒரு பெருந்தகை ‘இதில் இன்னின்ன பிழை இருக்கிறது..இதை இப்படியிப்படி சொல்லியிருக்க வேண்டும்.. இதில் இது இதுவெல்லாம் காணப்படவில்லை...” என்று அடுக்கிக் கொண்டே போனார்.. எனக்கென்றால் இது ஒரு கோமாளித்தனமாகவே தென்பட்டது.. நீ சொல்வது போல் ..நீ விரும்புவது போலெல்லாம் எழுதுவதற்கு நான் ஒரு எழுதுவினைஞன் அல்லவே.....நான் ஒரு படைப்பாளி... இந்த மாதிரி இலக்கியச் சண்டித்தனம் செய்தால்....? என் படைப்பில் உன் விருப்பங்களை பூர்த்தி செய்ய முடியாது அன்பரே..!


ஒரு கணத்தில் மின்னி மனதில் வீழ்படிகின்ற கருவைப் படைப்பதில் எத்தனையோ விசயங்களை நான் யோசிக்கின்றேன். பாத்திர வார்ப்பு,கதா மாந்தர், நிகழ்தளம் யாதர்த்தப் பூச்சு, மொழிநடை, உரையாடல் என்றெல்லாம் படைப்பின் முன்னுள்ள நிலை குழப்பமானது. எல்லாவற்றையும் கருத்திற் கொண்டு உருவாக்கிய படைப்புரு என்னை இலேசில் திருப்திப்படுத்துவதில்லை. மீண்டும்,, செவ்விதாக்கல் என்ற செதுக்கும் தொழிற்சாலையிலிட்டு (அது எத்தனை நாளாகுமோ தெரியாது) கடைச்சல் வேலை செய்கின்றேன். அது ஒரு தனிக்கலை. உண்மையில் படைப்புலகம் ஒரு இருள். படைப்புத் திறமை ஒரு அருள். அது எல்லோருக்கும் அருளப்படுவது கிடையாது.
இவ்வளவு சிரமங்கள்-வலிகளை எல்லாம் புறந்தள்ளி நீ நினைப்பதை எப்படி நான் எழுத..?


37 ஈழத்து இலக்கியப் பரப்பில் உங்களை அதிகம் பாதித்த இலக்கிய ஆளுமைகள் யார்?


பலர் இருக்கிறார்கள்... ஒரு பெரும் பட்டியலே உண்டு... கவிதை-கதை-நாவல்-நாடகம் என்று ஒவ்வொரு துறையிலும் என்னைப் பாதித்த ஆளுமைகள் உளர். பாதிப்பு இல்லாத படைப்பாளி யார்...?


38 இலக்கிய கலகக்கார்கள் பற்றிய உங்கள் மதிப்பீடு எப்படியாக இருக்கின்றது?


நன்றாகச் சொன்னீர்கள் ‘இலக்கிய கலகக்காரர்கள் ‘ என்று.... இதை விட இலக்கிய வன்முறையாளர்கள் என்றால் இன்னும் பொருந்தும்.. இவர்கள் செய்யும் வன்முறைகள் பலவகைப்படும்... தனது முதுகைச் சொரிபவனை தூக்கிப் பிடித்தல்... தனக்குத் தெரிந்தோரை மட்டுமே பட்டியல் இடல்..(யாராவது ஆட்சேபித்தால் என் ஞாபத்துக்கு எட்டியவரை என்று தற்பாதுகாப்புக் கவசம் அணிந்து கொள்ளல்). தன் படைப்பை மட்டுமே எழுதும்படி தூண்டுதல்... உலக-தமிழக எழுத்தாளர் சிலரது பெயர்களை இணையத்தில் வாசித்துக் குறித்துக் கொண்டு அவர்களை மேற்கோள் காட்டிக் காட்டி வித்துவம் காட்டுதல்... இப்படி அநேகம்..
எனக்குத் தெரிந்த ஒரு ‘’எழுத்தாளர்’’ பற்றி ஆரம்பகாலங்களில் அவரது உரைகள் கேட்டு வாசித்து நல்லபிப்பிராயம் கொண்டிருந்தேன்... எனக்கும் ஓரளவு எழுத்து பிடிபட்டு புகழ் வரத் தொடங்கியதும்தான் அவரது ‘நிஜ முகம்’ தெரியலாயிற்று... எனக்கு சில இலக்கியப் பரிசுகள் கிடைத்த இடத்திற்கெல்லாம் சென்று ‘மூட்டி’விட்டுக் ‘கூட்டிக் கொடுக்க’ தொடங்கி விட்டார்.. என்னைக்கண்டால் என்னிடம் புகழ்கிறார்...இத்தனை வயதாகிவிட்டும் இன்னும் தன் மதத்தின்பாலான ஆன்மீக உணர்ச்சி ஏதும் இல்லாது ‘இளந்தாரி’யாக திரிகிற இவரது இந்த ‘இலக்கிய வேஷை’த் தனம் இவரை நிச்சயம் பாவச் சிலுவையில் அறைந்து விடும்...
புகழ் என்பது இறைவனின் அருட்கொடை.. அவன் நாடியோருக்கு அது கிடைக்கும்... யாராலும் அதைத் தடுக்கமுடியாது ....

40 கிழக்கில் இப்பொழுது உள்ள நிலையில் ஒரே மொழியை பேசினாலும், மதத்தால் வேறுபட்ட தமிழர்கள் மத்தியில் படைப்பாளிகளும் சரி சமூக ஆர்வலர்களும் சரி எப்படியான மனநிலையில் இருக்கின்றார்கள்?


வேற்றுமைகள் குறைந்து உறவாடுதல்கள் அதிகரித்துள்ளன... இலக்கிய பரிவர்த்தனைகள் நன்கு முன்னெடுக்கப்படுகின்றன... இலக்கியக் கூட்டங்களில் தமிழரும் முஸ்லிம்களும் பங்கேற்கிறார்கள்.. தூர இடங்களில் இருந்தெல்லாம் வந்து கலந்து கொண்டு நலம் விசாரிக்கிறார்கள்.. ஒரு நல்லாரோக்கிய உறவு நிலை உருவாகின்றது...


41 தமிழ் முஸ்லீம் முரண்களை ஓர் இலக்கியவாதி என்றவகையில் எவ்வாறு உணருகின்றீர்கள்?


தமிழ் முஸ்லிம் முரண்கள் என்று சொல்வதில் எனக்கு உடன்பாடில்லை... ஒரு குடும்பத்துள் அண்ணன் தம்பி பிரச்சினைகள் வரலாம்...போகலாம்... நீங்கள் சொல்லும் முரண்கள் வக்கற்ற அரசியல்வாதிகளால் செயற்கையாக உருவாக்கப் படுபவை... என்னைப் பொருத்தவரைக்கும் எனக்குத் தமிழ் கற்பித்த கொக்கூர்கிளான் கா.வை. இரத்தினசிங்கம் ஐயா... க. நவம்.. தொடக்கம் எத்தனையோ தமிழர் என் வளர்ச்சியின் பின்னணியில் இருக்கிறார்கள்...
என் இலக்கியக் குருநாதர் பாவலர் பசில் காரியப்பர் தமிழ் முஸ்லிம் உறவுக்கு ஒரு முன்மாதிரியாக திகழ்ந்தவர்... தன நூலை சில்லையூர் செல்வராசனுக்கே சமர்ப்பணம் செய்தவர். என் ஆசிரியர் ஏ. பீர்முகம்மது சேர் ‘’விபுலானந்த அடிகளும் முஸ்லிம்களும்’’ என்ற நூல் எழுதியவர்... இவர்களின் பாசறையில் பயின்றவன் நான்... நானும் என் ‘நட்டுமை’ நாவலை சு.ரா. வுக்கே சமர்ப்பணம் செய்துள்ளேன்...


தமிழ் முஸ்லிம் இனக்கலவரங்கள் –பகைமைகள் கிழக்கில் மூண்டபோதெல்லாம் செய்வகை இன்றி கைசேதப்பட்டு கண்ணீர் விட்டுப் புழுங்கியவன் நான்... யாழ்.முஸ்லிம்களின் வெளியேற்றத்திலும் பள்ளிவாசல் படுகொலைகளிலும் கலங்கிப் போன தமிழர்களும், முள்ளிவாய்க்கால் தமிழர் துயரில் மனவேதனைப்பட்டு கண்ணீர்விட்ட முஸ்லிம்களும் இப்போதும் உள்ளனர்... யுத்தம் தமிழ் முஸ்லிம் உறவுகளை சிதைத்த போதிலும் இப்போதுள்ள புரிந்துணர்வில் மீண்டும் தமிழ் முஸ்லிம் உறவுகள் துளிர்விட்டு செழிக்கின்றன...


43 ஓர் இலக்கியவாதி என்ற வகையில் யாழ்ப்பாணத்தில் இருந்து ஓர் இரவில் முஸ்லீம்களின் கட்டாய வெளியேற்ரத்தை எவ்வாறு பார்கின்றீர்கள்?


நான் ஏற்கனவே சொன்ன படி ..... ஒரே இரவில் சொந்த வாழ்விடங்களை விட்டும் துரத்தப்பட்ட மக்களின் துயரம் சகித்துக் கொள்ளக் கூடிய ஒன்றல்ல. இதை செய்தவர்களை நான் ஆதரிக்கவில்லை... கண்டிக்கிறேன்... இந்த நடவடிக்கையை கண்டித்த தமிழ் மக்களும் இல்லாமலில்லை... உயிர்ப்பயம் காரணமாக வெளிப்படையாக கண்டிக்காமல் மனதுக்குள் இதனை வெறுத்த தமிழர்களும் இருக்கின்றனர்... வெளியேற்றப்பட்ட மக்கள் மீது அனுதாபம் கொண்ட தமிழர்களை நான் சந்தித்திருக்கிறேன்...
தொன்மைமிக்க நட்புறவுடன் வாழ்ந்த சில தமிழ்-முஸ்லிம் குடும்பங்கள் அடைந்த வேதனையை ஒரு தபால் அதிபர் என்ற வகையில் நான் அறிவேன்... இலங்கை தபால் திணைக்களம் நீண்ட காலமாக யாழ்ப்பாண தமிழரின் ஆதிக்கத்தில் இருந்தது.. அதில் கடமை செய்த தமிழர்களுடன் எத்தனையோ வித தொடர்புகள் எனக்குண்டு,,நான் ஒரு முஸ்லிமாக அவர்களுடன் இருந்தும், என் மீது நட்புரிமை கொண்டோரே அதிகம்...
தமிழ்-முஸ்லிம் பிரச்சினையில் குளிர்காய்ந்த சில குல்லா நரிகளும் குள்ள நரிகளும் மகிழ்ந்ததையும் அறிவேன்...அவற்றைப் புறந்தள்ளி... ‘’மனங்கள் வெளுத்தே நாம் பேசிடுவோம்....நாமெல்லாம் மனிதர் அன்றோ....’’ என்றான் நம் பாவலன்...


48 துப்பாக்கிகள் பேசியபொழுதும் அதன்பின்னர் மௌனிக்கப்பட்ட பொழுதும், பேனைகளின் போக்குகள் எப்படியாக இருந்தன அல்லது இருக்கின்றன?


துப்பாக்கிகள் பேசியபொழுது பேனைகள் மௌனித்தன.. துப்பாக்கிகள் மௌனிக்கப்பட்ட பொழுது, பேனைகள் பேசுகின்றன...



49 கிழக்கு மாகாணத்தில் சாதீயத்தின் வீச்சானது குறைவாகவே இருக்கின்றது என்ற எண்ணப்பாடு உண்டு. இதுபற்றி..............?


சாப்பிட்ட இலையிலும் சாதீயம் பார்க்கும் உலகம் என்று அருந்ததியன் சொல்வது எத்துனை கொடுமையானது... ஒரு குறிப்பிட்ட ஊரில் ஒரு கடையில், சாப்பிட்டு விட்டு தாமே சாப்பிட்ட இலையை எடுத்துச் சென்று குப்பைத் தொட்டியில் போட்டுவிடல் வேண்டும்... என்பது எழுதப்படாத ஒரு சட்டமாகவே இருக்கிறது.....அவரவர் கழிவு இலையை அவரவர் எடுத்து விடுதல் இது நல்லதுதானே...என்று மேம்போக்காகத் தெரிகிறது... இதன் பின்னணியில் இருப்பது பயங்கரமான சாதீய வெறி... என்னவென்றால் அந்தக் கடை முதலாளி சொல்வது.... இந்தக் கடையில் சில வேளைகளில் “கீழ்மக்கள்” சாப்பிட வருவினம்..அவங்க சாப்பிட்ட இலையை எங்கள் சிற்றூழியர்கள் எப்படி ஐயா எடுத்துப் போடுவது...?
அந்தக் கீழ்மக்கள் தரும் பணத்தை எடுத்துக் கல்லாவுக்குள் போடும் முதலாளி சாப்பிட்ட இலையை எடுக்க ஒரு சிற்றூளியனை நியமிக்காமல் இருக்கிறார்...
போருக்குப் பின் யாழில் மீண்டும் தன் கொடூர முகத்தைக் காட்டிக் கொண்டு உட்பிரவேசிக்கும் சாதீயம் கிழக்கில் முனைப்புக் கொள்ளவில்லை... இதன் காரணங்கள் பல.. கிழக்கின் பல்வேறு சாதிக் கட்டமைப்புகள் ஏற்கனவே உருவழிந்து விட்டதும்...ஒரு சாதிக்கென நீண்ட செறிவான நிலத் தொடர்பு அற்றிருப்பதும் ...ஒன்றுவிட்டொன்றாய் முஸ்லிம் ஊர்கள் அடுத்தடுத்து அமைந்திருப்பதும் ... படைப்பாளிகளின் இடையறாத பரப்புரைகளும் படித்த இளைஞர்களின் மேலெழுகையும் ...மேலும் பல காரணங்களும் சாதீயத்தின் கோர முகத்தை கிழக்கில் எழ விடாமல் செய்கின்றன...


50 முஸ்லீம் சமூகத்தில் சாதீயங்கள் உள்ளனவா ? இருந்தால் அவை எப்படியாக இருக்கின்றன?


முஸ்லிம் சமுகத்தில் சாதீயங்கள் இல்லை. சகோதரத்துவமே இஸ்லாத்தின் தாரக மந்திரம்.. இலங்கை முஸ்லிம்களிடத்தில் இந்துக்களின் முதுசமான கலாசார செல்வாக்கு காரணமாக மாற்றின மக்களிடையே உள்ள சாதீயத்தை அந்த இனத்தின் மீதே பயன்படுத்துகின்றனர்.. தமக்குள் முஸ்லிம் எவரும் சாதீயம் பார்ப்பதில்லை...பார்க்க முடியாது... விஷயம் தெரிந்திருந்தால் யாரும் பள்ளிவாயிலில் தொழுகைக்கு தலைமை தாங்கி நடத்தலாம்..ஒன்றும் பிரச்சினையில்லை...


51 உங்களுக்கென்று இலக்கிய ஆரசியல் ஏதாவது உண்டா?


உண்டு... இலக்கியத்தை அரசியல் ஆக்காமல் அரசியலை இலக்கியமாக்குதல்தான் என் இலக்கிய அரசியல்.. இங்கு நானே சனாதிபதி-பிரதமர்-அமைச்சர் எல்லாமே...


52 இறுதியாக வளர்ந்துவருகின்ற இளைய தலைமுற்ப படைப்பாளிகளுக்கு என்ன சொல்ல விளைகின்றீர்கள்?


இது ஒரு மாமூலான கேள்வி... ஒரு பேட்டியின் இறுதியில் இப்படிக் கேட்பதை அநேகமானோர் ஒரு மரபாகவே வைத்திருக்கின்றனர்.. ஒரு போதும் மூத்த படைப்பாளிகளுக்கு என்ன சொல்ல விளைகின்றீர்கள்?என்று கேட்டதாக இல்லை... கேட்டதற்காகச் சொல்கிறேன்... இளையோரே! எழுதும் முன், வாசியுங்கள்...வாசியுங்கள்...வாசியுங்கள்.....!

உக்குவளை அக்ரம்

Ukuwelai Akram

ஆர்.எம்.நெளஷாட்டின் கதைகளும் கதைபேசும் மொழியும்,கதை சொல்லும் முறையும் காலத்தை வென்று நிற்பவை.Slm Hanifa,ஒட்டமாவடி அறபாத்தின் கதைத் தொகுதிகளோடு,தீரனின் தொகுதிகளும் பாதுகாக்கப்படவேண்டிய பொக்கிஷங்களே.

Ukuwelai Akram

ஆளுமைமிக்க எழுத்தோவியன்.படைப்பினுடே அங்கதச் சுவையை கடத்துவதில் வல்லவர்.ஒவ்வொரு கதைகளும் தனிரகம் அதுவே அவரின் ஆளுமை முத்திரை.ஒவ்வொரு கதையும் நம்முள்ளே போர் நடத்தும் ராஜதந்திரம் மிக்கது.நாம் வாழும் காலத்தில் சடர்விடும் ஜோதி.அதன் சுடரொளியை நாம் சரியாக மதிப்பீடு செய்து,கெளரவிக்கவில்லையென்றே தோன்றுகிறது.

தீரன் ஆர்.எம்.நவ்சாத்

படைப்புலகில் புகுந்த நேரம் அறியாத பெயர்.பண்ணாமத்துக்கவிராயருடன் கலந்துரையாடும்போது, அடிக்கடி உச்சரிப்பார் என்னமா எழுதறார், வட்டார பேச்சுவழக்கில் ஒவ்வொரு கதையும் புது அனுபவம்.இப்படித்தான் தீரனின் பெயரை உச்சரிப்பார்.
இலக்கிய ஆளுமைகளுடனான குறைவான சகவாசம், சந்திப்புகள் அற்று ஒதுங்கியிருந்தபோது.அவரின் புத்தகத்தை பல புத்தகசாலைகளில் கேட்டு நொந்து போயிருக்கிறேன்.பெயர் மாத்்திரம் ஜெபிக்கப்படும மந்திரம் போல் மனதில் சுழன்றே வந்தது.

சில மாதங்களுக்கு முன்பு தமிழ் மிரரில் தீரனின் கதையை கண்டு வாசித்து இன்புற்ற திளைப்பால் சிறு குறிப்பிட்டேன்.அதற் பிற்பாடே அவருடன் முகநூலில் நட்பாகும் சந்தர்ப்பம் கிடைத்தது.
அதன் பிறகு அவரின் ஹாஸ்யம் கலந்த பதிவுகளையும், தனித்துவமாக அவரிடும் புகைப்படங்களையும் உவப்புடன் உள்வாங்கியே நகர்ந்திருக்கிறேன்.
இன்று தமிழ் மிரரில் அவருடைய நேர்காணலை, பக்கத்திலிருந்து உரையாடுவதைப்போன்ற இயல்பு தன்மையோடு, மனதோடு ஒண்றித்துப்போன வார்த்தைகளுடன் அவர் வெளியில் உலாவினேன்.அவரின் மன உணர்வுகள் போன்றே.என் இலக்கியப்பாதையை அடியொட்டி நகர்ந்திருக்கிறேன்.திறமை பல கண்டிருந்தும் இயல்பாக தன் எளிய வாழ்வை எளிமையாக கடந்துபோகும் மனமும் பங்குவமும்.
அவருக்கு நிகர் அவரே.
நேர்காணலை தந்த முஸ்டினின் ஆளுமைக்கு வாழ்த்துக்கள்.்


தீரன். ஆர்.எம் நௌஷாத்

மிக்க நன்றி அக்ரம்- பக்கீர்தனம் (எளிமை) என் பெருமை என்றனர் கண்மணி நபிகள்...பெரர்ர்ர்ரீய எழுத்தாளன் என்று சொல்லிக் கொண்டு கழற்றாத கோட்டும் டையுமாக விரைப்பான போட்டோக்களை கண்டால் குபீர் எனச் சிரித்து விடுகிறேன்.....

uwelai Akram 

காத்திரமான யதார்த்தமான கதைகளின் நெகிழ்ச்சியான கதைகளம் தீரனினது.பக்கங்களை புரட்டத்தொடங்கினால், புத்தகம் முடியும் வரை வாசித்து கிரகித்து இன்புற்று படிமங்களாக மனமெங்கும் நீளும் கதை மாந்தர்களின் உணர்வுப் பூர்வமான தொகுப்புகள் தோழர்.

முகமத் சப்ரி -ஏறாவூர்

Mohamed Sabry 

உண்மையிலேயே அற்புதமான எழுத்தாளர். நான் நேசிக்கும் எழுத்தாளர், காலச்சுவடு பதிப்பித்த அவரது வெள்ளிவிரல், நட்டுமை, கொல்வதெழுதுதல் 90,, கிடைத்தால் வாசியுங்கள் அற்புதமாக இருக்கும், இவரது கொல்வதெழுதுதல் 90 மூன்றாவது பதிப்பாக அண்மையில் வெளிவந்திருந்தது.

 எனது நேசத்துக்குரிய அன்பர். தொடர்ந்து எழுத வேண்டும் தீரன்.

அம்ரிதா மரியம்

அம்ரிதா மரியம்

தீரன்.........தனது எழுத்துக்களால் வாசகனை திணறடிது,முழ்கி முத்தெடுக்க வைத்து,தன் அங்கதச் சுவையால் மகிழ்வித்து, தனித்துவ பேச்சு எழுத்து மொழியால் சாகா வரம்காணும் கதைகளின் சொந்தக்காரர் 

அர்சாத் பர்வீஸ்

Arsath Farveis

உங்கள் தீரதம் நட்டுமை போன்ற இலக்கியங்களை வாசித்தேன். நீங்கள் லெஜன்ட்தான். சந்தேகமில்லை  ஒவ்வொரு வரிகளும் அற்புதம் 

ஆதம் ஐயூப்கான்

Adam Iyoobkhan


அருமையான ,,..அற்புதமான ,,படைப்பாளி, ,,,இவரின் அழகிய மண் வாசனை கழந்த மொழி நடை , படிப்பவர்களை , திரும்பத் ....திரும்பத் ,,,படிக்கத் தூண்டும் ,,,,இவரைப் பற்றி நிறையவே சொல்லலாம் ,,,கவிஞர் ,மௌலவி பௌஸ் அவர்களின் ,,,இவரைப் பற்றிய பார்வை சொற்பமென்றே ,,,நான் நினைக்கிறேன் ,,,இவரை அறியத் தந்த கவிஞர் பௌஸ் அவர்களை ,,இதயபூர்வமாக வாழ்த்துகிறேன்,,,

உசனார் சலீம்

M.I. Usanar Saleem Saleem


நண்பர் ஆர்.எம்.நௌஸாத் அவர்கள் இலங்கை நாட்டின் சிறந்ததோர் எழுத்தாளர்.அவரைப்பற்றி மிகவும் அறிந்த வகையில் மிகவும் சிறந்த நற்பண்புகளுடனான உயர்ந்த மனிதரிவர்.நண்பரை வாழ்த்துவதில் பெரும் பேரின்பமும் மனமகிழ்ச்சியுமடைகின்றேன்.என் இனிய நல்வாழ்த்துக்கள்! வாழ்க வளமுடன் அல்லாஹ்வின் நல்லருளுடன் ஆமீன்!

திக்குவலை கமால்

Dickwellekamal Kamal

வெளிப்பாட்டுத் திறன் மிக்கவர்.கலைத்துவம் கொண்டவர்.கதைகளின் கலாசாரப் பின்புலத்தை நன்கு கொண்டுவருபவர்.' நட்டுமை' பற்றி சந்திக்கும்போது பேச உள்ளேன்.

டொக்டர் எ பரீத்

Ahamed Fareed

எனது பாடசாலைக்கால நண்பர்.மண்ணுக்கு பெருமை சேர்க்கும் மகத்தான படைப்பாளி.அவரது பேனா சமூக அவலங்களை தொட்டுக்காட்டுவதோடு நின்றுவிடாமல் அவற்றுக்கான தீர்வுகளுக்கும் வழி சொல்லும்.என் இனிய நண்பா நீ வாழ்க.

அப்துல்ரசாக்

Abdul Rasak Abdul Rasak


ஒரு விஞ்ஞான புனைகதை நூலுக்கு அணிந்துரை எழுதிக்கொண்டிருக்கிறேன். தீரனின் சாகும்தலம் பற்றிய குறிப்பெழுதும் நேரம் இப்பதிவை பார்க்கக் கிடைத்தது ஆச்சரியம். தீரன் வாழ்க.

பியாஸ் முகம்மது

Fiyas Mohamed

இவரின் எழுத்து ஒரு வித்தியாசமானவை யாரையும் குறை கூறி இருக்கமாட்டார் தனது பாணியிலே இன்னமும் எழுதுகிறார். நல்லா பழகக் கூடியவர் .இவரின் எழுத்துக்கு மூ. மேத்தாவே விமர்சனம் செய்யப்பட்டவர் வாழ்த்துக்கள் அருமை நண்பர் நௌசாத்.

ஆசுகவி அன்புடீன்

ஆசுகவி அன்புடீன்


....நானும் இவரும் ஒரே திணைக்களத்தில் கடமை புரிந்தவர்கள் எனக்கும் மேலதிகாரி அவர். கடமையில் கண்ணியமானவர். நட்பை பேணுவதில் நாணயமானவர்.புரிந்துணர்வுள்ளவர்.
ஒன்றாக கடமை புரிந்த காலத்தில் அவரது படைப்புக்களின் முதல் வாசகன் நான். என்னுடைய படைப்புக்களுக்கும் அவர் அப்படித்தான்.

என்னை விட ஒன்பது வருடங்கள் வயதில் இளையவர்.நான் அவரை விட வயதில் மாத்திரம்தான் மூப்பு. மற்ற எல்லாவற்றிலும் அவர் எனக்கு மூப்பு. அதனாற்தான் அவரது 'புகவம்' இலக்கிய வட்டத்தால் எனக்கு 'ஆசுகவி' பட்டம் தந்து என்னை பேசு(ம்) கவியாக்கிய பெருமை நமது தீரன் ஸாருக்கு உண்டு.

வபா பாறூக்

Waffa Farook

மருதூரின் மனிதம் மிக்க கலைமுகம்
சர்வதேச தமிழ் அடையாளங்களில் ஒன்று
எனது பாடசாலைக்கால நண்பன் வாழ்த்துக்கள்

பாவேந்தல் பாலமுனை பாறூக்

பாவேந்தல் பாலமுனை பாறூக்

மண் மணக்கும் நாவல்களின் ஆசிரியர்.புகவம் அமைப்பின் மூலம் இலக்கியப் பணி புரிந்தவர். காத்திரமான சிறுகதைகளால் மக்கள் மனங்களை வென்ற சிறுகதையாளன்.குறும்பாக்காரர்.புகவத்தினால் பட்டம் தந்து என்னையும் கௌரவித்தவர்.நல்லமனம் வாழ்க!

தங்குதடை யின்றித் தனது படைப்புகளில் அங்கதத்தைக் கொண்டுவரும் ஆற்றலது-இங்கிந்தத்
தீரன் நவுசாத்தை மேலும் சிறப்பிக்கும் பேரெடுப்பார் இன்னும் அவர்!்

எஸ். முத்துமீரான்

Sinnathamby Muthumeeran

 நல்ல நாவலாசிரியர்.சிறுகதைப்படைப்பாளி.வாழ்த்துக்கள்.

அபூ நஜாத்

Abu Najath

இவன் கவிதையில் தீரன் . சிறுகதையில் சூரன். நாவலில் வீரன். நகைச்சுவையில் அவனுடைய மூத்தாப்பாவின் பேரன். அவனுடன் பேசிப் பாரன். அடி வயிறு பிஞ்சே போறன்....

எ எம் எம் அலி

Mohamed Ali Abdul Majeed

முகநூல் எனக்களித்த நல்ல நண்பர்.
அகந் திறந்து பேசி
அன்பைப் பரிமாறி உள்ளோம் !
தீரன் நௌஷாத்
எழுத்துக் களத்தில் பேனாவேந்திய பெரும்
வீரன் !

தமிழுலகு நன்கறிந்த
தரமான எழுத்தாளன் , கவிஞன் !
விகடமாய்ப் பின்னூட்டம்
விடுப்பவன் !
நௌஷாத் தெனதன்பு
நட்புக்கு என்று முரியவனே


ஆர்எம்? நௌஷாத்? என்று வினவினால் ; அவர்தாம் எழுத்தாளர் தீரன்.R.M. நௌஷாத் எண்திக்கையும் தனதெழுத்தால் ஈர்த்தெடுத்துவெற்றி கொண்ட எனது எழுத்துலகத் தோழன் !


1

எழுகவி ஜலீல்

எழுகவி ஜெலில்


பன்முகப் பார்வை மிகுந்த ஜனரஞ்சக எழுத்தாளர். மாயங்களில்லாத மனசுக்காரர் நட்புக்கு உகந்தவர் நமது தீரன் அவர்கள். வாழ்த்துக்கள்.

அஷ்டா மக்கீன்

Ashta Mackeen

Mr.Theeran...not met yet.But he is a very good analysisr about literary and social.i have red his books,my husband knows him.. inshalla wl meet him.Duas.

மும்தாஸ் ஹபீல்

Mumthas Hafeel 

மறக்க முடியாத எழுத்துலகநண்பன்.

லத்தீபா காரியப்பர்

Latiffa Kariyapper 

மண்ணின் வாசனையோடு நகைச்சுவை கலந்த ஆக்கங்களை எழுதும் அற்புதமான எழுத்தாளர் வாழ்த்துகள்

உவைஸ் முஹம்மத்

உவைஸ் முஹம்மத்


தீரன் மிகவும் எளிமையாகவும் இனிமையாகவும் பேசக்கூடிய நல்ல மனிதர் மண்ணின் வாசனையோடு நகைச்சுவை கலந்த எழுத்துக்கள் எத்தனை முறை வாசித்தாலும் புதிதாக வாசிப்பது போல் ஒர் அற்புதமான உணர்வை ஏர்படுத்தக்குடிய ஒரு எழுத்தாளர்

எம் எச் எ கரீம்

Mha. Kareem

நல்ல எழுத்தாளர்
நல்ல ஆய்வாளர்
நல்ல விமர்சகர்
நல்ல வாசகர்
இவைகளை விடவும்

நல்ல மனிதர்

மஹதி ஹசன் இப்ராஹீம்

Mahdy Hassan Ibrahim

அற்புதமான எழுத்தாளர்! நகைச்சுவை உணர்வு மிக்கவர்!இவரை நேரில் சந்திக்காதபோதும் நண்பராய் அடைந்தது என் பாக்கியம்!

கல்முனை கலீல்

Kalmunai Kaleel

நௌஷாட்,,ஒரு தீரன் மட்டுமல்ல வீரனும். பழகும் காலத்தில் மனதை வென்ற ஓர் சகோதரன்.அவர்,கலியுகத்தின் காவியனும் கூட...!

ஓட்டமாவடி அரபாத்

Arafath Sahwi

அற்புதமான கதை சொல்லி தீரன்.ஜிப்ரி சொல்வதைப் போல் அவர் கதைகளும் நாவல்களும் ஆராயப்பட வேண்டியது காலத்தின் கட்டாயமாகும்.

சியான்ஸ் மடவளை

சியான்ஸ் மடவளை 

அவரின் எழுத்துகள் போற்றப்படவேண்டிய தரமான திறமையான எழுத்தர்.அதிகம் அறிமுகமற்று அவரும் அவருடைய நூல்களும்

வடகோவை வரதராஜன்

Vadakovy Varatha Rajan

அவருடைய தீரதம் சிறுகதை தொகுப்பு அண்மையில் படித்தேன் .அற்புதமான கதைகள் ,'ஆத்து மீன் ஆசை ' அற்புதமான வார்ப்பு

ஜிப்ரி ஹாசன்

Jiffry Hassan 

 தமிழ் இலக்கியவெளியில் தமிழ் முஸ்லிம்களின் வாழ்வியலை ஆழ்ந்த புனைவுத் தன்மையுடன் வெளிப்படுத்தும் ஈழத்தின் ஒரே கதைசொல்லி தீரன். ஆர்.எம். நௌஷாத். தோப்பில் முகம்மது மீரான், கீரனூர் ராகிர்ராஜா போன்ற படைப்பாளிகளின் வரிசையில் இடம்பெறக்கூடியவர். தமிழின் பல விருதுகளும், பரிசுகளும் இவருக்கு கிடைத்துள்ளன.

தீரனின் ஒட்டுமொத்தப் படைப்புகள் மீதும் விரிந்த பார்வையை முன்வைக்க வேண்டும். அதற்கான முயற்சியில் நானும் இருக்கிறேன். தமிழகத்திலுள்ள பல படைப்பாளிகளை விஞ்சி நிற்பவர். இலங்கை என்பதற்காக எத்தனை மூடி மறைப்புகள்.